Қазақстанда бір тәулікте коронавирус пен пневмониядан 5 адам қайтыс болды
Өткен тәулікте Қазақстанда коронавирус пен пневмониядан 5 науқас көз жұмды, деп хабарлайды денсаулық сақтау министрлігі.
09:54 21.09.2020
4 адам коронавирустан, ал бір пациент ковидтік пневмониядан қайтыс болды. Бір тәулікте 62 адам пневмонияға шалдықты. 1 тамыздан бері пневмониямен ауырғандар саны 31 148 науқасқа жетті. 344 пациент көз жұмды. Ал 13 наурыздан бері 107 307 адам коронавирус жұқтырды, 1699 науқас қайтыс болды.
Қазір коронавирустан 3 667 адам ем қабылдауды жалғастыруда. Олардың арасында 36 бала бар. Стационарларда 1 873 науқас жатыр. 1 794 адам амбулаториялық жағдайда емделуде. Науқастардың арасында 97 адамның жағдайы ауыр, соның ішінде 13 пациенттің хәлі мүшкіл деп бағалануда. 17 науқас жасанды тыныс алдырту аппаратына қосылған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
