Қазақстан мен Ресей арасындағы әуе қатынасы жанданды
Ресей өз аумағына Қазақстан азаматтарының кіруіне рұқсат берді.
14:40 21.09.2020
Қазақстан, Қырғызстан, Беларусь және Корея елдерінің азаматтарына Ресейге әуе рейстері арқылы кіруге рұқсат етіледі. Ресейліктер де бұл елдерге емін-еркін бара алады. Қазақстан мен Ресей арасындағы әуе қатынасы бүгіннен бастап жанданды. Рейстер аптасына бір рет жүзеге асырылады. Ал бұған дейін азаматтардың оралуы үшін құзырлы органдардан рұқсат алынуы керек еді.
Айта кетйік, Ресейден Қазақстанға ұшып келетін жолаушылар дене қызуын өлшету және сауалнамадан бөлек COVID-19-ға тексерілгені туралы ПТР талдаудың теріс нәтижесін көрсетуі тиіс. Оның мерзімі 5 күнге ғана жарамды. Егер ондай анықтама болмаған жағдайда 48 сағаттың ішінде тест тапсыруы талап етіледі. Әйтпесе 14 күн үй карантиніне жабылады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
