Коронавирустың ерлер мен әйелдерге қауіпті әсерін салыстырды
Коронавирус көбінесе ер адамдарда ауыр зардаптарды тудырады.
13:38 03.11.2020
The Wall Street Journal газетінің авторлары әртүрлі статистикалық мәліметтерді талдап, осындай қорытындыға келді. Сонымен, АҚШ-тағы COVID-19 өлім-жітімі туралы мәліметтер барлық өлімнің 54 пайызын ер адамдар құрайтынын көрсетті. Бұл ретте, 30 жастан 60 жасқа дейінгі топта көрсеткіш 66 пайызға дейін артады. Еуропалық аурудың алдын алу және бақылау орталығы коронавирустың ер адамдар үшін қауіпті екенімен келіседі. 40 пен 69 жас аралығында қайтыс болғандардың 73 пайызы - ер адамдар. Сонымен қатар, олар осы топтағы ауруханаға түскендердің 62 пайызын және ауыр науқастардың төрттен үшін құрайды.
183 елдің статистикасын қамтитын Лондон университетінің колледжінің "жыныс, гендео және COVID-19" мәліметтер базасында көрсетілгендей, ерлер арасында коронавирус инфекциясының 11 жағдайы әйелдер арасындағы он жағдайға тең. COVID-19-дан болған өлім бойынша бұл қатынас 14-тен 10-ға дейін жетеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
