Қазақстанда тағы бір облыс «қызыл аймаққа» енді
Премьер-министр Асқар Мамин ҚР аумағында коронавирус инфекциясының таралуына жол бермеу жөніндегі ведомствоаралық комиссияның (ВАК) селекторлық отырысын өткізді.
17:21 09.11.2020
Сонымен қатар барлық өңірде COVID-19-бен ауыру жағдайларының артқаны байқалады. Дереккөз мәліметінше, вирустың репродуктив индексі республика бойынша – 1,2, инфекциялық төсек орындарының толтырылуы - 21 пайыз, реанимациялық төсек орындарының жүктемелігі - 17 пайыз.
Шығыс Қазақстан және Павлодар облыстары - қызыл аймақта, Батыс Қазақстан, Қостанай, Ақмола және Солтүстік Қазақстан облыстары - сары аймақта.
Денсаулық сақтау министрлігіне:
- Барлық медициналық қызметтердің орталық және өңірлік деңгейде сырқаттанушылықтың ықтимал өсу жағдайына толық дайындығын қамтамасыз ету;
- Халықпен шектеу шараларын сақтау жөнінде түсіндіру жұмыстарын тұрақты негізде жүргізу;
- Шекара қызметімен, өңірлердің әкімдіктерімен бірлесіп, шетелдіктерге Қазақстанға кіру үшін берілетін денсаулық сақтау ұйымдарының шақыру құжаттарына бақылауды күшейту;
- Әділет министрлігімен, әкімдіктермен бірлесіп, ҚР аумағында емделу үшін шетел азаматтарына шақыру беруге уәкілетті, өңірлердегі денсаулық сақтау ұйымдарының тізбесін айқындау тапсырылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
