Нұр-Сұлтанда өтренген пойыз видеосы тарады
Елордалық өрт сөндірушілер вагондағы өртті сөндірді.
16:54 20.11.2020
19 қарашада таңғы сағат 03.11 кезінде Нұр-Сұлтан қаласы Кемеңгерұлы, 9/8 мекенжайында орналасқан пойыз жанып жатқаны туралы хабарлама келіп түсті. Бұл туралы төтенше жағдайлар министрлігінің ресми өкілі Талғат Уәли хабарлады. Құрамында 15 адам және 3 техникасы бар елордалық өрт сөндірушілер оқиға орнына жедел жеткен. № 50 теміржолда тұрған резервтік вагондағы өрт 50 шаршы метрді шарпыған.
Жалынның әсерінен көрші жолдағы вагон арбаларын орналастыруға арналған платформада тұрған шынжыр табанды трактордың кабинасы да жанып кеткен. Өрт таңғы сағат 04:22-де ауыздықталып, сөндірілді.
"Өрттен зардап шеккендер мен құрбандар жоқ. Пойыздардың кешігуіне, жолдың, сигнал беру жабдықтарының, орталықтандыру, блоктау және байланыс құрылғыларының, энергиямен жабдықтаудың бұзылуына жол берілген жоқ", - деп түсіндірді ұлттық компаниядағылар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
