Көкшетаудағы көп қабатты үйде жарылыс болды: 8 адам ауруханаға жатқызылды
20 желтоқсан күні кешке Көкшетаудағы көп қабатты үйде газ баллоны жарылды.
09:37 21.12.2020
Үйдің сегіз тұрғыны, оның ішінде балалар жарақат алды деп хабарлайды Төтенше жағдайлар министрлігінің ресми өкілі Талғат Уәли. Жарылыс көп қабатты үйдің бірінші қабатында болған. Өрт сөндірушілер келгенге дейін көршілер алты бала мен екі ересек адамды құтқарып үлгерді. Олардың барлығы ауруханаға жатқызылған.
Үй иесі газ баллонын екі отбасы тұратын пәтерге алып келген, кейіннен ол жарылып кеткен. Төтенше жағдайлар министрлігі үйдің орталық газ желісіне қосылғанын, ал ер адамға газ баллонының не үшін қажет болғандығы қазір анықталып жатқанын атап өтті.
Төтенше жағдайлар департаменті газ баллондарын пайдалану ережелерін еске түсірді - газ баллондарын тек арнайы бекеттерде толтыруға болады. Сондай-ақ, баллондарды суықтан жылы жерге апаруға, оларды жылу көзіне жақын орналастыруға болмайды. Газдың күрт кеңеюіне байланысты жарылыс болуы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
