Тәртіп сақшысы әйелді зорламақ болған күдіктімен селфиге түскен
Шымкентте зейнеткер әйелді зорламақ болған күдіктінің суреті әлеуметтік желілерге тарап, қызу талқыланып жатыр.
16:14 21.12.2020
Қазнет пайдаланушылары 70 жастағы әйелді зорламақ болған күдіктімен селфи жасаған полицейдің суретін талқылап жатыр. Сурет shyndykz парақшасында жарияланған.
«Енді селфи жасап алайық. Керек емес, деп жазады желіде пікір қалдырушылардың бірі суретті «сөйлетпек» болып. Енді сол жағынан селфилетпейсіз бе, деп қалжыңдапты желідегілердің тағы бірі. Неге фотосын Желіге жүктеді? Сот дәлелдеп қойды ма, мұнысы қалай?», - дейді тағы бірі мысқылдап.
Еске салайық, 17 желтоқсанда ер адам подъезге кірген егде жастағы әйелдің ту сыртынан тап берген. Оны артынан келіп қылқындырып, талдырып, жерге құлатып, зорламақ болған.
«Бұл қызметкерге қатысты қызметтік тексеріс басталды», - деп мәлімдеді Шымкенттің полиция департаментінен.
20 желтоқсанда Шымкентте әйелді зорламақ болған күдікті ұсталды. Қазіргі уақытта күдікті Шымкент қалалық полиция бөлімінің уақытша ұстау изоляторына қамалды, тіркелген фактілер бойынша сотқа дейінгі тергеу амалдары жүргізілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
