Головкиннің жекпе-жекке шығатын екі қарсыласы белгілі болды
Орта салмақтағы IBFжәне IBO тұжырымдары бойынша әлем чемпионы – қазақстандық Геннадий Головкиннің (41-1-1, 36 КО) 2021 жылы жекпе-жекке шығатын екі қарсыласы белгілі болды.
Фото: Cliff Hawkins/Getty Images
16:25 22.12.2020
Бұл жайлы The Athletic басылымының инсайдері Майк Коппинджер мәлім еткен. Еске сала кетсек, Геннадий 19 желтоқсан күні таңертең поляк боксшысы Камил Шереметамен (21-1, 5 КО) айқасып, жетінші раундта жеңіске жеткен болатын.
«Егер «Канело» болмаса, GGG-дің келесі қарсыласы кім болмақ? Ең ықтимал нұсқа – мексикалық Хайме Мунгия. Дереккөздерге сүйенсек, кездесу көктемге жоспарланып отыр. Енді біреуі: супер жұлдыз болып саналатын олимпиада чемпионы Риота Муратамен Токиода айқасу. GGG осы екі жекпе-жектің фавориті болмақ және бұл оны күзде одан да маңызды жекпе-жекке ынталандырады», - деп жазды Коппинджер.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
