Диетолог жаңа жылдық үстелді қалай дайындауға болатынын айтты
Жаңа жыл қарсаңында адамдар тәтті тағамды тек дәмді ғана емес, сонымен қатар пайдалы етіп қалай жасауға болады деп ойланады.
20:17 28.12.2020
Диетолог Ирина Дядикова денеге зиян тигізбеу үшін мерекелік үстелге не қою керек екенін айтты.
"Негізгі кеңес ғасырлар бойы өзгермейді: барлық жағдайда шегін білу керек", - деді Ирина Дядикова.
Дядикова пеште құсты көкөністермен немесе алмамен пісіруге, үлкен күркетауықтан гөрі кішкентай үйректі таңдап, картоптан бас тартуға кеңес берді. Жаңа жылдық дастархан дәстүрлі оливье салатынсыз жайылмайды. Диетолог оны майонезбен араластырмауды, ал орнына, мысалы, айран немесе грек йогуртын қолдануды ұсынды. Ет немесе шұжықты тағамды жеңілдету үшін қайнатылған тауық кеудесімен алмастыру керек.
"Селёдка под шубой" салатында картопты алмаға ауыстыруға болады, ал майлы тұздықтың орнына өсімдік майы және лимон шырыны қосылған дәмдеуіштер қоспасын қолдануға болады. Мұндай үй аналогы әлдеқайда аз калориялы. Дядикова үстелге бір түнде қойып, таңға дейін құрғап қалатын тілімдер (нарезки) қою сәнді емес екенін атап өтті. Сондай-ақ, ол тұздықтар мен маринадтардан аулақ болуға және оларды жаңа көкөністермен алмастыруға кеңес берді. Тіпті Жаңа жыл символы саналатын жемісті теріс пайдаланбау керек, өйткені мандариндерде өте агрессивті шырын бар.
Сарапшы 1 қаңтарға ұсыныстар берді. Оның айтуынша, түннен қалған салаттарды жеуге болмайды. Жуынып, таза ауада серуендеген жөн. Серуендеп болғаннан кейін сиыр етінің немесе қораз етінің сорпасы ішкен пайдалы. Тамақтанғаннан кейін 15 минуттан кейін адамның жағдайы жақсарады, деп қорытындылады тамақтану маманы.
Дереккөз: Stan.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
