Қостанайда автобус 80 жастағы қартты қағып өлтірді
Қостанайда автобус 80 жастағы қартты қағып өлтірді.
12:43 29.12.2020
Қостанай қаласында қоғамдық көлік 80 жастағы әйелді қағып кетті. Оқиға 28 желтоқсанда сағат 13:30 шамасында Қостанай қаласының «Юбилейный» шағынауданында болған.
«Дизель зауытына қарай бағыт алған 56 жастағы қоғамдық көлік жүргізушісі 80 жастағы әйелді қағып кетті. Жаяу жүргінші жүруге рұқсат етілмеген аймақты кесіп өтпек болған. Ауыр дене жарақаты салдарынан зейнеткер оқиға орнында қаза болды», - делінген полицияның ресми хабарламасында.
Қазір осы дерек бойынша тексеру жұмыстары жүргізілуде. Автобус жүргізушісі қан тапсырып, тексеруден өтеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
