ЖОО студенттері университетке барып оқиды: Министрлік түсіндірді
ҚР білім және ғылым вице-министрі Мирас Дәуленов екінші семестрде жоғарғы оқу орнының студенттері қалай оқитыны туралы айтып берді.
12:56 12.01.2021
"Ведомствоаралық комиссияның шешімімен ЖОО-ның бірінші курс студенттері дәстүрлі форматта оқитын болады. Екінші, үшінші, төртінші курс студенттері онлайн форматта оқуларын жалғастырады. Қазіргі таңда 140 мыңға жуық бірінші курс студенті бар", - дейді Дәуленов.
Вице-министрдің сөзінше, ЖОО-лар пандемия жағдайында студенттерді қабылдауға дайын екенін айтты. Барлық санитарлық талаптар сақталатын болады.
"ЖОО-лар осы формат бойынша студент қабылдауға дайын. Аудиториялар 40 пайызға ғана толы болады. Бір студентке бес шаршы метр жер қарастырылады. Жатақханалар да студенттерді қабылдайтын болады. ЖОО-лар дайындық жұмыстарын бір ай бұрын бастаған болатын", - дейді вице-министр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
