БҚО-да бес көлік соқтығысып, бір адам қаза тапты
Батыс Қазақстан облысында бес автокөлік соқтығысып, бір адам қаза тапты және екі адам зардап шекті.
16:09 30.01.2021
БҚО полиция департаментінің ресми өкілі Болатбек Белгібековтің мәлім еткеніндей, оқиға бүгін шамамен сағат 10.39-да Ақжайық ауданының Алғабас ауылы тұсында республикалық жол бойында болды.
Lada granta, Volkswagen Passat, Toyota Camry, ВАЗ-2114 және Chevrolet Aveo автокөліктері бір біріне соғылған. Соның салдарынан Lada granta автокөлігінде отырған жолаушы көз жұмды. Сондай-ақ түрлі жарақат алғаан үш адам Ақжайық аудандық орталық ауруханасына жеткізілді. Осы оқиға бойынша Қылмыстық кодекстің 345-бабына сәйкес тергеу амалдары жүргізілуде.
Еске сала кетсек, жыл басынан бері облыс аумағында 12 жол-көлік оқиғасынан 5 адам мерт болды. БҚО полиция департаменті жол ережесін сақтау керектігін еске салады. Әсіресе, қолайсыз ауа райы кезінде аса сақ болу қажет.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
