Алматыда карантин қатаңдатылады
Алматының бас санитар дәрігерінің орынбасары Әсел Қалықова қалада карантин күшейтілетінін айтты.
13:33 10.03.2021
10 наурызда Алматы "қызыл" аймаққа кірді. Енді қалада шектеу шаралары күшейтіледі.
"Қаулы дайындалып, бизнес және қоғам өкілдерімен талқылануда. Күннің соңына қарай Алматының бас санитар дәрігерінің жаңа қаулысына қол қойылады", - деді ол.
Қалықова қаулы кешкі тоғызға дайын болуы мүмкін екенін атап өтті. Оның айтуынша, науқастар санының өсуіне өткен мерекелер, сондай-ақ карантиндегі адамдардың өзін-өзі оқшаулау режимін сақтамауы себеп болуы мүмкін.
Бас санитар дәрігердің орынбасары алматылықтарға бетперде тағуды және қоғамдық орындарға барудан бас тартуды ұсынды. Сондай-ақ, Әсел Қалықова сәуір және мамыр айларында ниет білдірушілер үшін жаппай вакцинациялау басталатынын мәлімдеді және алматылықтарды одан бас тартпауға шақырды.
"Мұның бәрі Алматы қаласының тұрғындары арасында аурудың төмендеуіне септігін тигізеді", - деді Қалықова.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
