Алматыдағы зираттарға 11 мамырдан бастап баруға рұқсат етілді
Алматыдағы зираттар 11 мамырдан бастап көпшілік үшін ашық болады.
14:04 10.05.2021
Бұл ақпаратты Алматы қаласы санитарлық-эпидемиологиялық бақылау департаменті басшысының орынбасары Сәдуақас Байғабылов растады.
«Иә, 11 мамырда қаладағы зираттар көпшілікке үшін ашық болады», - деп жауап берді Сәдуақас Байғабылов.
Бұған дейін, Алматы қалалық санитариялық-эпидемиологиялық бақылау департаментінің басшысы, қаланың бас мемлекеттік санитар дәрігері Жандарбек Бекшин Алматыдағы зираттар 1-10 мамыр аралығында жабық болатынын мәлім еткен еді.
«Біз дәл осы күндері зираттарға баруды шектеу туралы шешім қабылдаймыз», - деген болатын Жандарбек Бекшин.
Айта кетейік, биыл ата-ана күні 11 мамырға сәйкес келеді. Бұл қайтыс болғандарды еске алу күні. Бұл рәсім Пасхадан кейін атап өтіледі.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
