Маңғыстауда бірнеше шенеунік ұсталды
Маңғыстау облысында су құбырын салуға бөлінген бюджет қаржысын жымқырғаны үшін екі шенеунік пен кәсіпкер ұсталды.
19:35 26.08.2021
Бұл туралы саясаттанушы Ербол Еділов өзінің Telegram-арнасында хабарлады.
"Маңғыстау облыстық экономикалық тергеу департаменті облыстық құрылыс басқармасының басшысы Шабай Тәжіғараевты, Бейнеу аудандық құрылыс бөлімінің жетекшісі С.Х. Бисеновты және мердігерлік компанияның директоры Б.К.Саралтаевты ұстады", - деп жазды Еділов өзінің ақпарат көздеріне сілтеме жасап.
Оның айтуынша, үшеуі Бейнеу ауданындағы Саға кентінің халқын ауыз сумен қамтамасыз ету үшін бюджеттен бөлінген 200 миллион теңгені жымқырғаны үшін айыпталып отыр. Ауылда 1 500 адам тұрады. Су құбырының құрылысы 2017 жылы басталған. Алайда ауыл халқы әлі күнге дейін автоцистернамен жеткізілетін техникалық суды пайдаланып жүр.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
