Павлодар облысында үйінен кетіп қалған оқушы шөп жинайтын қорадан табылды
Павлодар облысында жетінші сынып оқушысы үйінен кетіп, қайтып оралмаған.
14:04 26.10.2021
Ол араға бес сағат салып, өз үйінің ауласындағы шөп қорадан аман-есен табылды.
«Кеше шамамен сағат 16:00-де Малиновка орта мектебінің 7 сынып оқушысы үйінен кетіп, сол күйі оралмаған», - деп жазды Павлодар облысы Шарбақты ауданының әкімі Әзілхан Әбеуов әлеуметтік желідегі парақшасында.
Полиция қызметкерлерінің жедел іс-қимылы мен Малиновка ауылы тұрғындарының атсалысуы арқасында бала сол күні сағат 22:50-де өз үйінің ауласындағы шөп қорадан дін аман табылған. Баланы медициналық қызметкерлер тексеріп шықты, деп нақтылады аудан әкімі.
«Іздеу жұмыстарына атсалысқандардың барлығына алғысымды білдіремін. Құрметті жерлестер, өз балаларыңызға абай болыңыз», - деп жазды Ә. Әбеуов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
