Ақтөбеде Toyota Саmry жүргізушісі 9 жасар қызды қағып кетті
27 қазанда сағат 12:50 шамасында Қандыағаш қаласындағы Toyota Саmry автокөлігінің 29 жастағы жүргізушісі Жамбыл көшесінде қозғалыс үшін кедергі мен қауіп туындаған кезде жылдамдықты төмендетпей, жаяу жүргіншілер өткелінен тыс жолға шығып кеткен 9 жасар кәмелетке толмаған қызды қағып кетті.
14:00 28.10.2021
Жол-көлік оқиғасы салдарынан кәмелетке толмаған жасөспірім Мұғалжар ауданының (Қандыағаш қаласы) орталық аудандық ауруханасына жатқызылды. ҚР ҚК 345-бабының 2-бөлігімен тергеу амалдары жүргізілуде. Жыл басынан бері балалардың қатысуымен 74 ЖКО орын алды, онда 4 бала қаза тауып, 91 бала дене жарақатын алды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
