Алматы тұрғыны әйелін ұрып өлтірді
Көрпені ашқанда әйелдің өлі күйінде жатқаны анықталды.
13:00 12.11.2021
Денесінде көгеріп қалған жерлер де болды. Алматыда үш баланың анасы күйеуінің қолынан қаза тапты. Ер адам қашып бара жатқан жерінен ұсталды. Ресми мәліметке сәйкес, бұл оқиға Ақбұлақ ықшам ауданында болған. 42 жастағы әйелдің анасы үйдегі айқай-шуды естіп, учаскелік инспекторды шақырды. Ал өзі үйге кірген жоқ.
"Айқай-шуды естідім, тағы балалары ойнап жүр деп ойладым. Неге екенін білмеймін, өзім кірген жоқпын. Анау шығып кетті де, жоқ болды. Артынан мен кірдім. Қызым төсекте жатыр, үстінде көрпе болды. Ұйықтап жатыр деп ойлап қалдым", - дейді ол.
Көрпені ашқанда әйелдің өлі күйінде жатқаны анықталды. Денесінде көгеріп қалған жерлер де болды. Алатау аудандық полиция бөлімінің инспекторы Дәурен Шәпкенов күдіктіні қашып бара жатқан жерінен ұстап алды.
"Мен оны Шәріп көшесінің бойынан ұстап алдым. Сосын оқиға орнына алып келдім", - деді Шәпкенов.
39 жастағы күдікті өз кінәсін мойындаған жоқ.
"Мен кеткенде ол тірі болған", - дейді ол.
Дереккөз: sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
