Қарағанды тұрғыны 7 фирма ашып, мемлекетке 280 млн теңге шығын келтірген
Қарағанды облысының тұрғыны 7 қолма-қол ақша фирмасын құрып, мемлекетке 280 миллион теңге шығын келтірген.
16:00 08.12.2021
Қаражатты заңсыз қолма-қол ақшаға айналдырудың қылмыстық схемаларында салық төлемейтін бір күндік фирмалар пайда болады және олар нөлдік көрсеткіштермен есеп береді.
Қаржы мониторингі агенттігінің Қарағанды облысы бойынша аумақтық департаменті бақылаудағы 7 компанияның атынан жалған шот-фактура шығару фактісі бойынша Н. Кожемякинаға қатысты сотқа дейінгі тергеуді аяқтады.
2018-2020 жылдар аралығында Н. Кожемякина басқа тұлғамен қылмыстық сөз байласып, мүліктік пайда алу мақсатында 7 кәсіпорынды – «Read Oilers» ЖШС, «Гамма Проект» ЖШС, «Стройфирма Астэр» ЖШС, «ЖОҒАРЫ ҚҰРЫЛЫС» ЖШС, «ВИЗУВИЙ» ЖШС, «Восток 98» ЖШС, «Меридиан 2020»ЖШС сатып алып, басқа тұлғаларға тіркеді.
Осы кәсіпорындардың атынан көрінеу жалған мәліметтері бар бухгалтерлік құжаттар жазылды.
Контрагент-компаниялармен жасалған мәмілелер шеңберінде қаражатты заңсыз қолма-қол ақшаға айналдырғаны үшін Н.Кожемякина мәміленің жалпы сомасының 3% мөлшерінде сыйақы алған.
Қылмыстық әрекеттің нәтижесінде мемлекетке 280 миллион теңгеден астам мөлшерде залал келтірілді. Н. Кожемякина сотталды.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
