Степногорскте пәтерден ер адамның мәйіті табылды
Оқиға орнына дереу келген жедел тергеу тобы марқұмның кім екенін анықтады – ол 57 жастағы жергілікті тұрғын болып шықты.
08:45 10.12.2021
Степногорск қаласында пәтерден 57 жастағы тұрғынның мәйіті табылды. 6 желтоқсанда Степногорск қаласында көпқабатты тұрғын үйдегі пәтерлердің бірінен көптеген дене жарақатымен ер адамның мәйіті табылды. Оқиға орнына дереу келген жедел тергеу тобы марқұмның кім екенін анықтады – ол 57 жастағы жергілікті тұрғын болып шықты.
Қылмыстың куәгерлерін анықтау мақсатында полиция қызметкерлері көрші үйлерді аралап, қылмыс жасалған ауданда орналасқан бейнебақылау камераларының жазбаларын зерттеді. Бейнекамераларға үйдің кіреберісінен киімінде және қолында қан іздері бар адам шыққаны жазылып қалған.
Жедел іздестіру іс-шараларын жүргізу барысында полиция қызметкерлері күдіктіні анықтап, ұстады. Ол бұрын Қазақстан Қылмыстық кодексінің 106-бабы 3-бөлігі бойынша қылмыстық жауапкершілікке тартылған Қарағанды облысының 35 жастағы тұрғыны болып шықты.
Сот-медициналық сараптама тағайындалды. Ер адам бөтелкелесімен жанжалдасып қалып, оны өлтіріп тастағанын мойындады. Аталған факт Қазақстан Қылмыстық кодексінің 99-бабының 1-бөлігі (Адам өлтіру) бойынша сотқа дейінгі тергеудің бірыңғай тізілімінде тіркелген. Күдікті қамауға алынды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
