Ермек Нарымбай Алматы әуежайында ұсталды
Алауыздықты қоздырғаны үшін сотталған Ермек Нарымбаев Алматы әуежайында ұсталды, деп хабарлайды қалалық прокуратура.
11:04 06.02.2022
Ведомство мәліметінше, Нарымбаев Алматы Халықаралық әуежайында Киев қаласынан келгеннен кейін ұсталған.
"Ол іздеуде жүрген. Нарымбаев ҚР Қылмыстық кодексінің 174-бап "Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру" бойынша ұсталған болатын. Сот үкімін орындау мақсатында Ермек Нарымбаев тергеу изоляторына қамауға алынды", - делінген хабарламада.
Естеріңізге сала кетейік, Ермек Нарымбаев осыдан жеті жылға жуық бұрын, 2015 жылдың 12 қазанында ұсталған. Оған әлеуметтік желіде ұлттық ар-намысты қорлау, ұлтараздықты қоздыру бағытындағы ақпаратты таратты деген айып тағылған болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
