Шавқат Рахмонов UFC-дегі үшінші жекпе-жегін жеңіспен аяқтады
Қазақстандық спортшы Шавқат Рахмонов (14-0) UFC-дегі үшінші жекпе-жегін өткізді.
11:39 06.02.2022
Ол Лас-Вегаста (АҚШ, Невада штаты) UFC Fight Night 200 турнирінде гайаналық Карлстон Харриспен (17-4) жекпе-жекке шықты. Жартылай орта салмақта өткен бұл кездесу үш раундқа жоспарланған еді. Алайда жерлесіміз бірінші раунда-ақ айналып теуіп, қарсыласып сұлатып түсірді, деп хабарлайды ҚазАқпарат.
Осылайша Шавқат Рахмонов кәсіпқой мансабында 15-ші жеңісіне қол жеткізді. Ал Карлсон болса, бесінші рет жеңіліс тапты.
Айта кетейік, Рахмоновтың бұл UFC-дегі үшінші жекпе-жегі.
Бұған дейін ол сабмишн әдісімен бразилиялық Алекс Оливейруды (22-11-1-2) және Мишел Празеристі (26-4) тізе бүктірген еді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
