Ауа райының жақсаруына байланысты Нұр-Сұлтаннан шығатын бірнеше жол ашылды
Ауа райының жақсаруына байланысты Нұр-Сұлтаннан шығатын бірнеше жол көлік қозғалысы үшін ашылды.
09:28 24.03.2022
Сағат 6.40-та ауа-райының тұрақтануына байланысты Нұр-Сұлтан – Қабанбай батыр – Киевка – Теміртау республикалық тас жолының Қабанбай ауылының 16 – 51 шақырым учаскесі. Қабанбай батыр -Қарағанды облысының шекарасына дейін автокөліктің барлық түрлері үшін қозғалысы ашылды.
Сағат 7.30-да ауа райының тұрақтандыруына байланысты республикалық маңызы бар Нұр-Сұлтан – Ерейментау – Шідерті тас жолының 16-200 шақырымы, Нұр-Сұлтан учаскесі –Нұр-Сұлтан - Павлодар облысы шекарасы автокөліктердің барлық көлік түрлері үшін ашылды.
Ал 23 наурыз күні сағат 20.00-де Нұр-Сұлтаннан шығатын республикалық маңызы бар Екатеринбург - Алматы тас жолында, Нұр-Сұлтан - Атбасар учаскесінің 1247 - 1003 шақырымында көліктің барлық түрлерінің қозғалысы жанданатыны туралы хабарланды.
23 наурызда күндіз ауа райының қолайсыздығына байланысты елордадан шығатын барлық жолдар жабылғаны туралы мәлім етілген болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
