Алматыда 5 адамды атып өлтірген Игорь Дужнов өмір бойына бас бостандығынан айырылды
Алматы соты бес адамды атып өлтірген Игорь Дужновқа қатысты үкім шығарды.
16:50 26.04.2022
Сот Игорь Дужновты бес адамның өліміне кінәлі деп тапты.
«Өмір бойына бас бостандығынан айыру жазасы тағайындалды. Төтенше қауіпсіздіктің қылмыстық жүйесі мекемесі Дужновтың жазасын өтеу орны ретінде белгіленді», - деп үкім шығарды судья.
Еске салайық, былтыр 20 қыркүйек күні Алматыда жеке үйлердің біріне келген сот орындаушыға, учаскелік полиция инспекторларына үй иесі - 1967 жылы туған азамат оқ атты.
Қызмет барысында бес адам, оның ішінде екі полиция қызметкері оқтан жарақат алып, көз жұмды. Қаза тапқан полицейлердің бірінің артында – 5, екіншісінде 2 бала қалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
