Бокстан әлем чемпионатында бүгін Алуа Балқыбекова шаршы алаңға шығады
Бокстан әйелдер арасындағы бокстан әлем чемпионатында бүгін, 10 мамырда қазақстандық бір спортшы шаршы алаңға шығады.
08:35 10.05.2022
Әлем чемпионаты 8 мамырда Түркияның Ыстанбұл қаласында басталды. Ол 20 мамырда мәресіне жетеді.
Дүбірлі додада бүгін, 10 мамырда ел құрамасынан Алуа Балқыбекова (48 келі) кешкі сессияда шаршы алаңға шығады. Қарсыласы - канадалық Приянка Диллон.
Кешкі сессия елорда уақытымен 17.00-де басталып, «Qazsport» телеарнасынан тікелей эфирде көрсетіледі.
Еске салсақ, 8 мамырда ел құрамасынан Валентина Хальзова (70 келі) кениялық Лорна Куса Симбиді тізе бүктірді.
Дүбірлі додада еліміздің атынан 12 боксшы сынға түседі.
Олардың қатарында Назым Қызайбай (50 келі), Жайна Шекербекова (52 келі), Дина Жоламан (54 келі), Карина Ибрагимова (57 келі), Римма Волосенко (60 келі), Аида Әбікеева (63 келі), Дариға Шәкімова (66 келі), Надежда Рябец (75 келі), Гүлсая Ержан (81 келі) және Ләззат Күнгейбаева (81 келіден жоғары) бар.
Аталған турнир 1974 жылдан бері тұрақты түрде ұйымдастырылып келеді.
Қазақстан құрамасы қазірге дейін барлығы 51 медаль еншіледі. Оның 14-і - алтын, 15-і - күміс, 22-сі - қола.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
