Қытай орбита станциясына Тяньчжоу-4 жүк кемесін ұшырды
Сейсенбіде Қытай өзінің орбиталық станциясымен түйісетін «Тяньчжоу-4» жүк кемесін ұшырды.
13:05 10.05.2022
Бұл туралы Қытайдың басқарылатын космонавтика бағдарламасының кеңсесі (CSMA) мәлімдеді.
Хабарламаға сәйкес, «Тяньчжоу-4» ғарыш кемесі сейсенбіде Қытайдың оңтүстігіндегі Хайнань провинциясындағы Вэньчан ғарыш айлағынан «Чжанчжэн-7» зымыран тасығышымен орбитаға шығарылды.
«Тяньчжоу-4» ҚХР орбиталық станциясына алты айлық ғарышкерлерге арналған қорды, станцияға қызмет көрсетуге арналған қосалқы бөлшектерді және ғарыштық зерттеулер жүргізуге арналған жабдықтарды жеткізеді.
Орбиталық кешен «Тяньхэ» ғарыш станциясының негізгі модулінен және «Тяньчжоу-3» жүк кемесінен тұрады.
Маусым айында басқарылатын «Шэньчжоу-14» ғарыш кемесі ұшырылады. Ол үш тайконавты (ҚХР-да ғарышкерлерді осылай атайды) орбиталық станцияға жеткізеді, олар Қытай ғарыш станциясын іске қосу жұмыстарын жалғастырады және алты ай орбитада болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
