Жұмбақ жағдайда жоғалған павлодарлық өлі табылды
Жұмбақ жағдайда жоғалып, екі аптадан бері іздестіріліп жатқан Павлодар облысы Қарасу ауылының 27 жастағы тұрғыны өлі табылды, деп хабарлайды Tengrinews.kz.
12:04 17.05.2022
Павлодарлық еріктілер Instagram-да жігіттің өлімі туралы хабарлады.
"27 сәуірге қараған түні жұмбақ жағдайда жоғалып кеткен Дархан Байтоқ өлі табылды. Осымен бітті. Өкінішке қарай, біз қорыққан дүние болды", - деп жазды "VITA" жасағының іздеушілері Instagram-дағы парақшасында.
Жігіттің өлімі туралы ақпаратты Павлодар облысының полиция департаментінің баспасөз қызметі растады.
"Полиция қызметкерлері із-түзсіз жоғалған азаматтың мекенжайын анықтау бойынша жедел-іздестіру шараларын жүргізу барысында қамыс арасынан Дархан Байтоқтың денесін тапты. Бүгінде ол сот-медициналық сараптамаға жіберілді, оның қорытындысы бойынша процессуалдық шешім шығарылады", - деді ведомствоның баспасөз қызметі өкілдері.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
