ШҚО-да бір айдан бері полигондағы қоқыс өртеніп жатыр
Шығыс Қазақстан облысы Алтай ауданында бір айдан бері полигондағы қоқыс өртеніп жатыр.
16:48 17.05.2022
17 сәуірден бері Алтай ауданындағы полигонда қоқыс жанып жатыр. Айналаны басқан көк түтін желмен аудан орталығына дейін жетуде.
Оқиға орнында өрт сөндірушілер жұмыс істеуде. Сондай-ақ тілсіз жауды ауыздықтау үшін жергілікті әкімдік су тасығыш техникалары бар мердігерлерді тартты.
«Бүгінгі таңда өрттің беті қайтпай жатыр. Себебі өрт ошағы тереңде. Жалынның шыққанына 1 ай болды», - дейді аудандық ТЖБ бастығының орынбасары Азамат Әбдірахманов.
Белгілі болғандай, қазіргі уақытта түтіндеген полигон аумағы 2 гектарға жеткен.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
