Eкі пойыз соқтығысып, 85 адам зардап шекті
Испанияда жүк және жолаушылар пойызы соқтығысып, салдарынан машинист мерт болды, 85 адам жарақат алды.
17:43 17.05.2022
Апат кешкі уақытта Барселонадан 15 шақырымдай жерде орналасқан Каталонияда болған. Калий тиеген жүк пойызы Испанияның солтүстік-шығысындағы Сан-Бой-де-Льобрегат стансасына кірген кезде рельстен шығып кеткен. Содан кейін вокзалдан шыққан жолаушылар пойызының алдыңғы жағына соқтығысқан.
Испания билігінің хабарлауынша, төтенше жағдайлар бригадасы жолаушылар пойызынан 100-ге жуық адамды эвакуациялауға көмектескен. Машинист көз жұмды, екеуі ауыр жарақат алды, қалғандары жеңіл жарақат алған.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
