Алматыда Атакенттегі өрт сөндірілді
Өрт Алматының орталық бөлігінде «Атакент» көрме кешенінің маңында болды.
Фото: Zakon.kz
18:34 18.05.2022
Қалалық Төтенше жағдайлар департаменті өрт ауыздықталғанын хабарлады.
«Қабылданған шаралардың арқасында өрт 17:23-те сөндірілді», - деді Алматы Төтенше жағдайлар департаментінің баспасөз қызметі.
Айта кетейік, Алматының орталық бөлігінде Атакенттегі павильон өртеніп жатқаны хабарланған еді. Жоғары дәрежедегі өрт орнына қалалық ТЖД күштері мен құралдары жіберілді.
«Алматы қаласы Төтенше жағдайлар департаментінің күштері мен құралдары Тимирязев көшесі, 42 (Бостандық ауданы) мекенжайына жіберілді. Алғашқы өрт сөндіру бөлімшелері келген кезде №9 павильон ашық жалынмен жанып жатқаны анықталды», - деді Төтенше жағдайлар департаментінің баспасөз қызметі.
ТЖД қызметкерлері құрбандар мен зардап шеккендер жоқ екенін айтты. Оқиға орнында 17 бірлік техника, 50 адам жұмыс істеген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
