5 адамды атып өлтірген Игорь Дужнов жазасын қайда өтейді?
Өмір бойына бас бостандығынан айырылған алматылық Игорь Дужнов жазасын Қостанай облысында өтейтін болды.
Фото: Tengrinews.kz/Шокан Алхабаев
17:44 23.05.2022
Бұл туралы ІІМ Қылмыстық-атқару жүйесі комитетінің баспасөз қызметі мәлім етті.
Ведомства мәліметінше, ҚР ҚК 99-бабының 2-бөлімі («Екі және одан да көп адамды өлтіру») бойынша өмір бойына бас бостандығынан айырылған сотталушы өткен жылдың қазанынан бастап Алматының тергеу изоляторында жазасын өтеп жатыр.
«Қазақстанда 80 түзеу мекемесі бар. Олардың біреуі ғана Қостанай облысы бойынша ҚАЖД УК-161/3 өмір бойына сотталған адамдарға арналған. Джунов мерзімін өтейтін төтенше қауіпсіздік мекемесі Жітіқара қаласынан 25 шақырым жерде орналасқан», - деп хабарлады ІІМ Қылмыстық-атқару жүйесі комитетінің баспасөз қызметі.
Еске салайық, былтыр 20 қыркүйек күні Алматыда жеке үйлердің біріне келген сот орындаушыға, учаскелік полиция инспекторларына үй иесі - 1967 жылы туған азамат оқ атты.
Қызмет барысында бес адам, оның ішінде екі полиция қызметкері оқтан жарақат алып, көз жұмды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
