Қазақстандықтар жеке басына қатысты қате мәліметтерді eGov-та онлайн түзете алады
Қазақстандықтар жеке басына қатысты қате мәліметтерді eGov арқылы онлайн түзету мүмкіндігіне ие болады.
15:39 24.05.2022
Бұл туралы ҚР ҚР Цифрлық даму, инновациялар және аэроғарыш өнеркәсібі министрі Бағдат Мусин айтты.
«Жеке деректердің жалған, сәйкес келмеу фактілері бар. Мысалы, сіздің 4 балаңыз болғанымен, eGov-та 3 бала деп көрсетіп тұрады. Немесе мүлдем баласы әлде жұбайы жоқ деп көрсетеді. Мұны қалай ретке келтіруге болады? Бұрын АХАТ-қа, анда-мында барушы едіңіздер. Енді eGov-тың ішінде бір түймені басып, сол жерге өзіңіздің мәліметтеріңізді, туу туралы куәлік, жеке куәлік суретін жүктеу мүмкіндігін қарастырып жатырмыз. Ал жасы үлкен не eGov-ты қолдана алмайтын азаматтар Халыққа қызмет көрсету орталықтарына барып, өтініш бере алады. Бірақ, бұл процесс 3 күннің ішінде аяқталуы тиіс, мәліметтер базаға кіруі қажет», - деді министр Ақтөбе облысы жұртшылығымен кездесу барысында.
Оның айтуынша, кеше Үкімет басшысының төрағалығымен цифрландыру комиссиясының отырысы өткен. Отырыс қорытындысымен осындай іс-шаралар бекітілді.
«Бұл халқымыз үшін үлкен проблема болатын», - деді Бағдат Мусин.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
