Хоккейден әлем чемпионатында ширек финалға шыққан командалар анықталды
Шайбалы хоккейден әлем чемпионатында ширек финалға шыққан құрамалар анықталды.
09:30 25.05.2022
24 мамырда шайбалы хоккейден әлем чемпионаты топтық кезеңі аяқталды.
А тобынан Швейцария, Германия, Канада, Словакия үздік төртікке енсе, В тобында Финляндия, Швеция, Чехия және АҚШ осындай мүмкіндікке ие болды.
Енді ширек финалда құрамалар төмендегіше жұп құрады:
Чехия мен Германия;
Швеция мен Канада;
Швейцария мен АҚШ
Финляндия мен Словакия.
Ширек финал ойындары 26 мамырда өткізілсе, жартылай финал 28 мамырға белгіленген. Финал 29 мамырға белгіленген.
Айта кетсек, әлем чемпионаты 13-29 мамыр аралығында Финляндияның Хельсинки және Тампере қалаларында өткізіліп жатыр.
Еске салсақ, биыл Қазақстан құрамасы әлем чемпионаты топ-дивизионда А тобында жетінші орын алып, үздіктер қатарындағы орнын сақтап қалды.
Әлем чемпионатында Италия мен Ұлыбритания бірінші дивизионға түсті. Олардың орнын 2023 жылы Венгрия мен Словения құрамалары басты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
