Қашағанда мұнай өндіру тоқтатылды
1 маусымнан бастап NCOC компаниясы Қашаған кен орны кешеніндегі өндірістік нысандарын жөндеу жұмыстарына тоқтатты.
Фото: pm.kz
20:09 01.06.2022
Бұл туралы компанияның ресми сайтында жазылды.
«Жоспарлы профилактикалық жөндеу жұмыстары маңызды іс-шаралардың бірі болып табылады және жөндеу жұмыстарын жүргізу үшін бірнеше жылда бір рет өндірісті қысқа мерзімге толық тоқтатуды көздейді», - делінген хабарламада.
Қашаған кен орнының өндірістік объектілеріне жоспарлы профилактикалық қызмет көрсетудің мақсаты:
- өндірістік жүйенің тұтастығы мен қауіпсіздігін қамтамасыз ету жөніндегі шараларды жүзеге асыру;
- Қазақстан Республикасының нормативтiк құқықтық актiлерiнде белгiленген мiндеттi қызмет пен тексеру;
- өнімділікті, сондай-ақ өндіріс жүйесінің сенімділігін оңтайландыру және одан әрі арттыру бойынша жұмыстар мен жобаларды орындау.
- 2 миллион адам-сағаттан астам ауқымды жұмысты 45 күн ішінде аяқтау жоспарлануда.
Қашаған кен орны ең ірі мұнай кен орындарының бірі болып саналады. Оның алынатын қоры 9-13 миллиард баррель мұнайды құрайды.
Қашағандағы коммерциялық өндіріс 2016 жылдың күзінде басталды.
Дереккөз: Zakon.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
