Алматылықтарға ауа райына байланысты ескерту жарияланды
Алматы қаласының Төтенше жағдайлар департаменті ауа райына байланысты ескерту жариялады.
Фото: tengrinews.kz
12:32 02.06.2022
Ведомствоның мәліметінше, 2-3 маусым күндері таулы аймақтарда ауа райы күрт нашарлайды. Сондықтан, қала тұрғындарынан жақын күндері таулы аймақтарға шықпауды сұрады.
"2 маусымда Алматы тауларында желдің екпіні секундына 15-20 метрге жетеді. 3 маусымда қатты жаңбыр, биік таулы аймақтарда қар күтіледі. Кей жерлерде найзағай ойнап, бұршақ жауады. Желдің екпіні секундына 23-28 метрге жетеді", - деп ескертті Алматы қалалық ТЖД.
ТЖД "112" бұқаралық ақпарат құралдары арқылы жіберілген қауіпсіздік хабарламаларына назар аударуды сұрады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
