Семей орманандағы өрт толығымен сөндірілді
Шығыс Қазақстанда орман өрті ауыздықталды, деп хабарлайды ШҚО ТЖД баспасөз қызметі.
Фото: instagram.com/shygysqaz_tjd
14:38 02.06.2022
"1 маусымда "Семей орманы" МОТР аумағында, Жаңасемей филиалында, Подгороднее орман шаруашылығында басталған өрт 2 маусымда сағат 11.00-де оқшауланды. Өртті сөндіруге ШҚО ТЖ департаментінің, жергілікті атқарушы органдардың, ТЖМ № 68303 әскери бөлімінің орманшылары мен күштері, жалпы саны 399 адам мен 85 техника жұмылдырылды", - делінген хабарламада.
Қатты жел өртті ауыздықтауға қиындық туғызғаны айтылды. Өрттің алдын ала себебі - найзағай. Өрттің жалпы ауданы шамамен 200-250 гектар болған. Қаза болғандар мен зардап шеккендер жоқ.
Естеріңізге сала кетсек, 1 маусымда «Семей орманы» мемлекеттік табиғи резерватына қарасты Жаңа Семей филиалы, Подгородный орманшылығында өрт шыққан болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
