Ақтауда суға батып кеткен жасөспірімнің денесі табылды
Құтқарушылар 2 маусымда «Сарбаз жағажайы» ауданында теңізде жүзіп жүріп, суға батып кеткен жасөспірімнің мәйітін тапты.
18:10 03.06.2022
2005 жылғы жасөспірім Бейнеуден келген.
Маңғыстау облыстық ТЖД-дан хабарлағандай, жасөспірім теңізге арнайы тақтаймен (SUP-board) шыққан. Оның мәйіті жағадан жүз метр қашықтықтан табылды.
«Таңғы сағат 8:35-те Каспий теңізінде ТЖД күштік құрылымы 2005 жылғы азаматтың мәйітін тауып, судан шығарды. Ол 2 маусымда серфинг тақтайымен жүзіп жүріп, батып кетті», - деді Ақтау қалалық төтенше жағдайлар басқармасының бас тергеушісі Есен Борашев.
Қаза тапқан жасөспірімнің Бейнеу тұрғыны екені анықталды. Кеше, 2 маусымда ТЖД-ға суға ағып кеткен жасөспірімдер туралы бірден екі хабарлама түсті: үш баланың екеуі құтқарылды.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
