Түркістан облысында ыстықтан ақылы жол жарылып кетті
Қызылорда-Шымкент ақылы тасжолы аптапқа шыдамай, бүлінді.
14:38 09.06.2022
"ҚазАвтоЖол" мәліметінше, 8 маусымда сағат 17.00 шамасында Түркістан облысындағы Төрткөл ауылы маңындағы Қызылорда-Шымкент ақылы жол учаскесінде ауа температурасының жоғарылауына (+40-45 С) байланысты жолдың цементті бетон тақтасы көтеріліп кеткен.
"Жолдың көтеріліп кеткен бөлігі алынып тасталды. Мердігер "ШымкентЖолҚұрылыс" ЖШС қиыршықтас-құм төсеп, асфальт жабындысын жауып, жолды уақытша қалпына келтіру жұмыстарын жүргізді. Жол жөндеу жұмыстарына 10 адам мен 5 техника (3 самосвал, 1 тиегіш, 1 гидравликалық балға) жұмылдырылды", - делінген хабарламада.
Жолдың аталған бөлігіне жылдамдықты шектеу, жол бөлігінің тарылуы сияқты ескерту белгілері орнатылды. Жол учаскесіне Түркістан облысы ПД патрульдік көліктері қойылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
