Шығыс Қазақстан облысында 2 мыңнан астам адамды кене шақты
Шығыс Қазақстан облысында сәуір айынан бері 2400-ге жуық адамды кене шақты.
09:03 10.06.2022
ШҚО санитарлық-эпидемиологиялық бақылау департаменті баспасөз қызметінің мәліметіне сүйенсек, сәуір айынан бері эндемиялық аумақтарда 2388 адамды кене шақты.
Оның ішінде 14 жасқа дейінгі балалардың үлесі 30 пайызға жуықтайды.
«Кене энцефалитіне шалдыққан 2 адам тіркелген. Екі жағдай да Өскемен қаласында болып отыр. Науқастар кене шаққаннан кейін медициналық көмекке жүгінбегендіктен оларға кенеге қарсы иммуноглобулин салынған жоқ. Қазіргі уақытта екеуі де арнайы ем қабылдауда», - делінген ақпаратта.
Жалпы облыс бойынша кене шаққан тұрғындардың 93%-ы кене энцефалитіне қарсы иммуноглобулин алған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
