Келесі жылы инфляция 7,5-9,5 пайызға дейін баяулайды
2023 жылы инфляция 7,5-9,5 пайызға дейін баяулайды. Бұл туралы бүгін Үкімет отырысында ҚР Ұлттық банк төрағасы Ғалымжан Пірматов айтты, деп хабарлайды ҚазАқпарат.
11:12 14.06.2022
«2023 жылы инфляция ақша-кредит саясаты саласында қабылданып отырған шаралар, сыртқы инфляциялық қысымның біртіндеп төмендеуі және іске асыру жоспарланып отырған контрциклдік бюджеттік қағида аясында біртіндеп 7,5-9,5 пайызға дейін баяулайды. Ұлттық банк тәуекелдердің қазіргі балансын ескере отырып, биылғы 6 маусымда базалық мөлшерлемені 14 пайыз деңгейінде сақтады. Жаңа шоктар болмаған жағдайда базалық мөлшерлеменің қазіргі деңгейін сақтау орта мерзімді перспективада бағаның өсуін тежеуге әсер етеді», - деді Ұлттық банк төрағасы.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
