Мәжілісті тарату мәселесін Президент шешеді – Ерлан Қошанов
Мәжіліс төрағасы Ерлан Қошанов Парламент палатасын тарату шешімін Президент шешетінін айтты.
14:40 15.06.2022
Бүгін палатаның жалпы отырысынан кейін тілшілер Е.Қошановтан Мәжілістің таратылуы мүмкіндігіне қатысты сұрақ қойды.
«Бүгінгі күнде оған заңды негіз жоқ. Қазіргі кезде біздің мақатымыз - референдумда қабылданған әрі Конституцияға енгізілген өзгерісті заңдастыру. Сол бойынша 30-ға тарта заң жобасы бізге келіп түседі. Осы заң жобаларын біз жылдың аяғына дейін қабылдауымыз керек», - деді палата төрағасы.
Сонымен қатар Е.Қошанов Мәжілістің таратылуы мәселесін Президент шешетінін атап өтті.
«Тарату немесе таратпау мәселесін Президент шешеді. Сондықтан бұл дүниеде бәрі мүмкін», - деді ол.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
