Қазақстан инвесторлар құқығын қорғау міндетін орындайды - Президент
Қазақстан инвестициялық бағытта дәстүрлі серіктестерінің алдында өзінің барлық міндеттерін толыққанды орындайды.
20:38 17.06.2022
Петербург халықаралық экономикалық форумының пленарлық отырысына Қазақстан Президенті Қасым-Жомарт Тоқаев осылай айтты.
Мемлекет басшысы елді ауқымды жаңғырту аясында экономикада монополиясыз және сыбайлас жемқорлықсыз жаңа ойын тәртібін құру қадамдары жүріп жатқанын атап өтті.
Осы орайда Президент бірінші кезектегі міндет инвесторлар құқығын, тұрақтылықты барынша қорғау мақсатында кәсіпкерлікті қолдау мен бизнес-климатты жақсарту болып отырғанын айтты.
«Біздің дәстүрлі серіктестеріміздің алдында өзіміздің барлық міндеттерімізді толыққанды орындайтын боламыз. Менің ойымша, өңірдегі барлық елдердің тұрақты дамуы үшін ынтымақтастықтың жаңа көкжиектерін айқындап, біздің экономикалардың болашақ өсім нүктелерін қалыптастыру керек», - деді Қасым-Жомарт Тоқаев.
Сонымен қатар Президент халықаралық әрі өңірлік қауіпсіздікті қамтамасыз ету тұрғысындағы маңызды міндетті үнемі қаперде ұстау керек екенін жеткізді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
