Қазақстан аумағынан күнбағыс майын әкетуге шектеу қойылды
Мемлекеттік кірістер комитеті Ауыл шаруашылығы министрінің 17 маусымдағы бұйрығымен ел аумағынан күнбағыс майын әкетуге сандық шектеулер енгізілгенін мәлімдеді.
14:50 18.06.2022
Шектеу шаралары биылғы 18 маусым мен 31 тамыз аралығын қамтиды.
«Күнбағыс майын Қазақстан аумағынан әкетуге сандық шектеулер бағаларды тұрақтандыру және сыртқы нарықтарда жоғары сұранысқа байланысты нарықта тапшылықтың туындауын болдырмау мақсатында енгізілді. К үнбағыс майын ел аумағынан әкету Агроөнеркәсіптік кешендегі мемлекеттік инспекция комитетінің аумақтық бөлімшелері беретін фитосанитариялық сертификат болған кезде ғана жүзеге асырылады», - деп жазды ведомстводан.
Айта кетейік, күнбағыс майын әкетуге енгізілген сандық шектеулер 2021 жылғы 15 желтоқсаннан бастап 2022 жылғы 1 маусымға дейін қолданылған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
