Оралда құтқарушылар екі жасар баланы 8-қабаттың терезесінен шығарып алды
Оралда құтқарушылар екі жасар баланы 8-қабаттың терезесінен шығарып алды, деп хабарлайды Stan.kz.
11:56 23.06.2022
Оралда құтқарушылардың арқасында қайғылы жағдайдың алдын алды. Батыс Қазақстан облысы Төтенше жағдайлар департаментінің баспасөз қызметі хабарлағандай, сағат 10:52-де Құрманғазы көшесіндегі тоғыз қабатты үйден қоңырау түсті.
"Сегізінші қабаттағы пәтерде кішкентай бала үйде жалғыз қалған. Бала терезеге шығып алған. Көршісі терезеден баланы көріп, ойын алаңына шығып, көршілердің есігін қағып көмек сұрағанымен, ешкім ашпағанын айтты. Біздің құтқарушылар да есікті қақты, бірақ бала қорқып, терезеге қарай жүгірді", – деп хабарлады департаменттің баспасөз қызметі.
Содан кейін құтқарушылар көпқабатты үйдің шатырынан түсіп, балкон арқылы үйге кірген.
Төтенше жағдайлар департаменті ата-аналардан балаларын жалғыз қалдырмауды және балаларды құлаудан қорғау үшін терезелерге тор орнатуды сұрайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
