Қарағандының «Шахтер» командасына жаңа бас бапкер тағайындалды
Қазақстан премьер-лигасында өнер көрсететін Қарағандының «Шахтер» командасына жаңа бас бапкер тағайындалды.
09:26 29.06.2022
«Шахтер» футбол клубының баспасөз қызметінен мәлім еткеніндей, команданы қазақстандық маман Вахид Масудов жаттықтыратын болды.
Вахид Юнусовичтің бапкерлік тәжірибесі мол, соның ішінде «Шахтер» командасында (2000, 2005, 2006) тер төкті.
Сондай-ақ «Тараз», «Атырау», «Ақжайық», «Қайрат», «Восток», «Ордабасы», «Локомотив», «Ақтөбе», «Мақтаарал» және Қазақстан ұлттық құрамасын жаттықтырды. Сондай-ақ Қазақстан жастар құрамасының да тізгінін ұстады.
Қазіргі кезде «Шахтер» командасы 17 ұпаймен турнир кестесінде 9-орында келеді. Келесі турда қарағандылықтар 2 шілде күні өз алаңында «Ақтөбені» қабылдайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!