Ақсайда 64 жастағы кәсіпкерді өлтірген күдікті іздестіріліп жатыр
Ақсай қаласында 64 жастағы кәсіпкерді өлтірген күдікті іздестіріліп жатыр.
10:33 19.07.2022
БҚО полиция департаменті баспасөз қызметінен түскен мәліметке қарағанда, оқиға 15 шілде күні сағат 22.00-де болды.
«М.Иқсанов көшесіндегі өз үйінің кіреберісінен 1958 жылғы ер адамның мүрдесі табылды. Марқұм басынан оқ жарақатын алған. Сондай-ақ үйдің ауласынан маркасы белгісіз атыс қаруы табылып, тәркіленді. Мүрде Орал қаласындағы мәйітханаға жіберілді. Аталған дерек бойынша ҚР ҚК 99-бабы 1-бөлігіне (кісі өлтіру) сәйкес сотқа дейінгі тергеу амалдары жүргізілуде. Күдікті іздестіріліп жатыр», деді ведомстводан.
Марқұм өз дүкені бар кәсіпкер болған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
