Түркістан облысында 59 градусқа дейін ыстық болды
Түркістан облысындағы кей аймақтарда күн райы 59 градусты көрсетіп тұр.
18:23 21.07.2022
Әлеуметтік желіде Созақ ауданында орналасқан өндірістік аймақтағы ауа райын көрсететін құрылғының фотосы тарап жатыр.
Онда күн райының Цельсий бойынша +59 градусқа жеткенін көруге болады.
Ал, «Қазгидромет» РМК мамандары аптап ыстық 23 шілдеге дейін сақталатынын айтып отыр.
«Түркістан облысында аптап ыстық 23 шілдеге дейін жалғасады. Қазіргі кезде ауа-райы Түркістан қаласында +42,3, Шымкентте +41,3 болып тұр. Қызылқұмда 44, Қазығұртта 40, Арыста 43, Созақ ауданындағы Тасты ауылында 42 градус ыстық сақталып тұр. Сағат 15:00 мен 18:00 аралығында ыстық көтерілуі мүмін. Ал, 23 шілде күні солтүстіктен салқын ауа келіп, күн райы 4 немес 5 градусқа төмендеуі мүмкін», - дейді «Қазгидромет» РМК Түркістан облысы бойынша филиалының метерология және болжау бөлімінің басшысы Асия Қыдырбаева.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!