Мемлекет басшысы Иерусалим Патриархы III Феофилмен кездесті
ҚР Президенті Қасым-Жомарт Тоқаев Иерусалим Патриархы III Феофилмен кездесті.
13:43 13.09.2022
Кездесуде дінаралық және конфессияаралық диалогты ілгерілету мәселелері талқыланды.
Мемлекет басшысы Патриархқа Әлемдік және дәстүрлі діндер көшбасшыларының VII съезінің жұмысына қатысқанына және осы маңызды форумның мақсат-міндеттерін ілгерілетуде көрсеткен қолдауына ризашылығын білдірді. Бұл Патриархтың Съезге үшінші рет қатысуы.
Патриарх бейбітшілік, келісім және өзара құрмет сынды құндылықтарды ілгерілету үшін әлем көшбасшылары батыл шешімдер қабылдауының маңыздылығына тоқталды.
Құрметті қонақ Съезд қорытындысы әлемде бейбітшілікті одан әрі нығайтудың нақты бағдарларын әзірлеуге ықпал ететініне сенім білдірді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
