Абай облысындағы «Аягөз-Үржар» тасжолынан 60 адам эвакуацияланды
Абай облысындағы «Аягөз-Үржар» тасжолының 40 шақырымында жолда қалған 60 адам эвакуацияланды.
Фото: ашық дереккөзден
18:16 05.01.2023
Облыстық nөтенше жағдайлар департаментінің мәліметіне сүйенсек, «112» қызметіне Аягөз ауданындағы «Аягөз-Үржар» тасжолының 40 шақырымында жолда қалған азаматтардан хабар түсті.
Сол жерде 60 адам болған.
«№13 өрт сөндіру бөлімінен 4 адам «Вахта» өтімділігі жоғары техникамен дереу оқиға орнына келіп жетті. Сондай-ақ 10810 әскери бөлімінің әскери қызметшілері де жолға шықты. Жолда қалғандардың барлығы қауіпсіз жерге көшірілді», - делінген ақпаратта.
Сондай-ақ Үржар ауданы ТЖБ қызметкерлері қар құрсауында қалған 10 көлікті «Алматы-Өскемен» тасжолының 92 шақырымына шығарды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
