XVI Бенедикт Ватиканда жерленді
Ватикан жұртшылығы құрметті Рим папасы XVI Бенедиктпен қоштасты.
Фото: AFP TV
09:41 06.01.2023
Ол 31 желтоқсанда 96 жасында қайтыс болған еді, деп хабарлайды ҚазАқпарат.
Қоштасу рәсіміне мыңдаған адам қатысты. Олардың кейбірі Йозеф Ратцингердің туған жері - Германияның туын әкелді.
Әулие Петр соборының алдында құрметті қонақтар болды, олардың арасында Италия премьер-министрі Джордж Мелани мен Ұлы мәртебелі Испания Королевасы София болды. Еске алу мессасын Рим-католик шіркеуінің басшысы Франциск басқарды.
Рәсім барысында XVI Бенедикттің хатшысы болған архиепископ Георг Генсвайн ашық Евангелиені табыттың ішіне қойды.
2013 жылы XVI Бенедикт 600 жылда алғаш рет өз уәкілдігінен бас тартқан алғашқы понтифик болды. Ол өз шешімін Рим-католик шіркеуін басқаруға күші жетпейтінін айтып, түсіндірді.
Бұрынғы папаның табыты Әулие Петр соборының криптасына қойылды.
Еске салайық, бұған дейін бұрынғы Рим папасы XVI Бенедиктің қайтыс болғанын хабарлаған едік.
XVI Бенедикт 2005 жылы 78 жасында папа болып сайланды. Ол Рим папасы атанған ең егде жастағы кардиналдардың бірі болды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
